OduuTeeknooloojii

Itiyoo Teeleekoom tajaajila kilaawud irratti furtuuwwan dijitaalaawaa eegalchiise.

Itiyoo Teeleekoom dandeettii maamiltootaafi dhaabbilee kan ijaaraniifi ammayyeessan tajaajila kilaawud irratti furtuuwwan dijitaalaawaa hundeeffaman torba eegalchiise.

Hoji Raawwachiistuu Olaantuun Itiyoo Teeleekoom Firehiiwot Taammiruun akka jedhanitti, furtuuwwan dijitaalawaan kunneen tajaajila quunnamsiistuurra darbee, jijjiiramaafi fayyadamummaa diinagdee hawaasaaf gumaacha akka qabu dubbatan.

Itiyoo Teeleekoom imala ce’umsa Dijitaal Itoophiyaa saffisiisuufi hirmaachisummaa faayinaansii mirkaneessuu kan dandeessisan furtuuwwan dijitaalawaa hedduu dhiyeessaa akka jiru kaasaniiru.

Hojmaata dhaabbilee kan ammayyeessanii fi maamiltoota isaaniif tajaajila fooyya’aa dhiyeessuuf furtuuwwan interpiraayizii kilaawudiin tumsan ifoomaniiru jedhan.

Furtuuwwan kunneenis “Digital Livestock Tracking”, “Tele Push-To-Talk/Video”, “Core Banking Solution Center”fi “ERP Solutions” akka jedhaman ibsan.

Related Articles

Leave a Reply

Your email address will not be published. Required fields are marked *

Back to top button