Waggaa 20ffaa Hundeefama Baankii Hojii Gamtaa Oromiyaa sagantaa gara garaatiin kabajamaa jira.

Guraandhala 29, 1997 hundaa’ee tajaajila kennuu kan eegale Baankiin Hojii Gamtaa Oromiyaa,
waggaa 20ffaa Hundeefama isaa ‘Pirojaktii 20, kabaja ayyaana waggaa 20ffaaf’ mataduree
jedhuun sagantaalee hawaasaaf bu’aa buusan gara garaan ji’a Bitootessaa guutuu kabajaa ture.
Kaleessa guyyaa galateefanna hojjattootaati, ganama hojjattoota isaa galateeachuun
eegalee, waajjira muummee distiriktotaatti akkasumas magaalaawwan gara garaatti iddoo
20tti arjoomni dhiigaa bal’inaan taasifame.
Guyyaa har’as dameelee baankichaa hundatti, waajjira muummeetti sagantaa
adda addaatiin kan kabajamaa jiru yommuu ta’u, seera aadaa mirga dubartootaa kabajsiisu
‘Siinqee’ mul’isuuf moggaafameen, hojjattoota dubartootaa qofaan tajaajila kan kennu damee
Siinqeetti waltajjii qopheesseen ‘Guyyaa Dubartootaa Addunyaa’ dubartoota baankichatti hojii gaggeessummaa irra jiran waliin kabajameera.






